Конан Дойль спиритизм (дубакейлик) менен көп машыкчу экен. Бир жолу ал Бернард Шоуга колу бутун тийгизбей эле тамак ичкен столун нарыга жылдыраарын айтат.

- Таңгаларлык эчтеме жок. - дептир Шоу ага. - Акылдуу адам столдон өзү биринчи туруп кетиши керек.

XIXкылымда жашаган белгилүү немис сүрөтчүсү Менцелге бир жаш жигит өзүнүн картинасын көтөрүп келип, наалыйт:

- Ушу да акыйкаттыкпы? Бир күндө бүтүргөн картинамды бир жылдан бери сата албай жүрөм.

Нью-Йоркто коюлган пьесасынын премьерасынан соң Бернард Шоу башкы ролду ойногон актрисага төмөнгүдөй телеграмма жөнөтөт:

"Эмне деген ажайып?! Эмне деген керемет?!"

Толкунданган актриса жооп кайтарыптыр:

"Ашкере мактап койдуңуз".

Бернард Шоу кайрадан телег ... Уландысы »

Француз комедиографы Ашардан достору сурашат:

- Аялды кантип катуу жазаласа болот?

- Шляпасы көп, бирок күзгүсү жок бөлмөгө камап коюп... - деп жооп бериптир атактуу куудул.

Тристан Бернард бир жолу ресторанда отурса оркестр мааниси жок бирдемелерди ойной баштайт. Жини келген Бернард официантты чакырып:

- Бул оркестриңер менин заказымды аткара алабы?

- Албетте, эмнени ойносо дейсиз?

- Мен тамак ичип бүткөнчө карта эле ойношсунчу, анда.

Анатоль Франс ойлорун кагазга тез түшүрүү үчүн стенографист аял чакырат.

- Ылдам иштей алат чыгарсыз, - деп сурайт жазуучу андан.

- Албетте, мүнөтүнө 120 сөз жаза алам.

- 120 сөз? Катыгүн, анча сөздү мен кайдан табам? - деп муңкайыптыр Франс.